O pasado xoves 18 de xaneiro os dous grupos de 3º de ESO participaron no instituto nunha charla-coloquio organizada pola Axencia Galega de Doazón de Sangue e Órganos (ADOS).
O alumnado puido coñecer como se xestiona o trasplante de órganos en España, un método eficaz e pioneiro que involucra a un gran abano de profesionais de distintos ámbitos. Grazas á intervención dunha persoa trasplantada de ril, que compartiu a súa experiencia persoal, alumnos e profesores tomaron conciencia da importancia de facerse doantes.
Velaquí algúnha fotografía desta actividade promovida polo Dpto. de Bioloxía.
Dende a BiblioFerro, como ven sendo habitual, recomendamos algunha lectura do noso fondo bibliográfico que conecte dalgún xeito co tema da actividade realizada. Nesta ocasión, a falta de termos nos nosos estantes algún título específico sobre doazón e trasplantes, a nosa proposta é Viaje alucinante (1966) do gran Isaac Asimov, obra que forma parte do Proxecto Lector do propio departamento de Bioloxía.
En toda operación de cirurxía maior emprégase sangue. É precisamente a través do sistema circulatorio dun ser humano por donde viaxan os protagonistas desta trepidante historia, un clásico do xénero de ciencia-ficción que se basea na película homónima de 1966 dirixida por Richard Fleisher.
 |
| Cartel da película (imaxe de elseptimoarte.net) |
