miércoles, 18 de noviembre de 2026

O Samaín do Ferro

Un ano máis o Samaín chegou ao IES Ferro Couselo cunha proposta de actividades impulsadas pola Biblioteca, polo Equipo de Dinamización da Lingua Galega (EDLG) e polo Dpto. de Educación Plástica e visual, actividades que fomos anunciando ao longo do mes de outubro a través dos nosos perfís nas redes sociais. 

O Samaín, de orixe celta, está relacionado co remate do verán e co comezo da estación máis escura do ano. As súas tradicións, vinculadas ás lendas, ás ánimas e ás cabazas, seguen a formar parte do noso imaxinario cultural. 

A proposta do Equipo de Biblioteca para conmemorar estas datas foi o "Samaín Literario", un xogo de pistas que nos levaban a un libro de terror ou de misterio. Entre as súas páxinas atopábanse as solucións a diversos enigmas. As persoas gañadoras foron Chloe (2º ESO) e Verónica (4º de ESO).


O Equipo de Dinamización da Lingua Galega organizou este ano diversas actividades nas que se implicou toda a comunidade educativa. 

O "Concurso de receitas" sorprendeu pola orixinalidade das propostas presentadas, entre elas, destacou Caldeiros de bruxa, a receita gañadora de Sofía Arce de 4º ESO, e que puidemos degustar na cafetería xunto coas demais elaboracións. Tamén na cafetería houbo sesión de cine de curtas de medo, cunha gran afluencia de público durante os recreos da semana do 26 ao 30 de outubro.



O xogo "Descubre o asasino", con pistas na planta baixa, puxo a proba a capacidade de observación e dedución dos participantes. Alba Pérez (1ºESO D), Sara Pérez (1º ESO D) e Adrián Álvarez (2ºESO B) conseguiron os tres primeiros premios.


Outra actividade destacada foi o "Concurso de decoración de portas", que este ano estivo dedicado ao cinema de terror. Os grupos de 1ºESO B e 4ºESO B resultaron gañadores desta edición, con creacións que transformaron as portas das aulas en auténticos escenarios de película. 




O Samaín tamén se fixo visible nos corredores e nas escaleiras grazas ás exposicións organizadas polo Departamento de Educación Plástica e Visual. Velaquí os traballos realizados polo alumnado de Expresión Artística de 4º de ESO e de Debuxo Artístico de 1º de bach.




Desde BiblioFerro agradecemos a participación e a implicación de todas as persoas que fixeron posible vivir no centro uns días especiais.




jueves, 29 de octubre de 2026

O galego, unha oportunidade: encontro con Núñez Singala

O escritor e sociolingüista Manuel Núñez Singala visitou o noso centro para charlar co alumnado de 1º de bacharelato sobre a situación actual da nosa lingua.  

Conta cunha ampla traxectoria na promoción da lingua e a literatura galega, en gran parte vinculada ao seu traballo como director do Servizo de Normalización Lingüísitica da Universidade de Compostela. 

Como escritor, destacan obras como Instrucións para tomar café, Atraco no banco, Comedia bífida e O achado do castro. 

Durante o encontro reflexionamos sombre os retos do galego na sociedade actual e sobre a importancia de impulsar o seu uso e valoralo como unha oportunidade persoal, cultural e profesional. 

A actividade estivo organizada polo Equipo de Dinamización da Lingua Galega do noso centro. 
 

Algúns títulos do fondo bibliográfico
da nosa biblioteca
.





miércoles, 28 de octubre de 2026

Comeza a actividade do club "As catro esquinas do Quinto"

O pasado luns 5 de outubro reunimos no salón de actos a todo o alumnado que este curso 2026/2027 participa no club de lectura. Alumnas e alumnos de varios grupos de ESO e de bacharelato explorarán diversos xéneros literarios en galego e en castelán. Actividade proposta polas profesoras Caridad Rodríguez, Almudena Platero, María Xosé Fernández, Emma Valado, Carme Pérez e Ana Reboiro.

Titulo proposto para este trimestre
en 1º e 2º de ESO

Obra proposta neste outono
para 3º de ESO

Lectura para os integrantes do club
de 1º de bacharelato

Libro proposto para a sección de
divulgación científica en 4º de ESO




O mércores 14 de outubro inauguramos a sección de persoas adultas do club, a novidade proposta este curso polas profesoras Caridad Rodríguez e María Xosé Fernández. Profesorado e familias compartirán, nun ambiente distendido e próximo, as súas impresións e reflexións arredor dunha obra literaria cada trimestre, comenzando con La trenza, de Laeitia Colombani.