A BiblioFerro acada o selo "Biblioteca Escolar Solidaria"

A Consellería de Educación ven de publicar a resolución definitiva do programa Bibliotecas Escolares Solidarias convocado o 12 de decembro de 2023, programa que está integrado no Plan LIA (Lectura, Información e Aprendizaxe) de bibliotecas escolares. 

A BiblioFerro acada este curso 2023/2024 o selo de "Biblioteca Escolar Solidaria" grazas á posta en marcha, un ano máis, do programa de voluntariado nos tempos de lecer. Nesta entrada do blog falabamos do grupiño de alumnos e alumnas que este curso colaboran con nós nas labores de catalogación e organización do noso fondo bibliográfico.

Lembramos tamén que o pasado 8 de xaneiro se publicou a resolución definitiva das axudas para o funcionamento dos Clubs de Lectura nos centros educativos. Un ano máis contamos cun apoio económico para desenvolver as actividades do club As catro esquinas do Quinto, do que forman parte alumnos e alumnas de todos os cursos de ESO e Bach.

Programa de voluntariado na biblioteca

Neste curso 2023-2024 contamos de novo con rapazada de 2º, 3º e 4º de ESO que colabora na biblioteca nos tempos de lecer. 

Moitas grazas a Candela, Xurxo, Ana, Tatiana, Izan, Martín C., Martín S., Paula, Aitor, Jahir e Lucía polo voso tempo.

Mensaxe de benvida

Recibe a nosa benvida ao blogue da biblioteca do IES Ferro Couselo de Ourense. Este espazo servirá para compartir as actividades que realizamos cada curso (obradoiros, concursos, encontros literarios, etc) e tamén para ofrecervos lecturas recomendadas de diversos ámbitos. 

Daremos conta tamén dalgunhas novidades do noso fondo bibliográfico e da marcha dos clubes de lectura.

Ilustración de Adriana de la Torre ( curso 2021/2022)