En 2025 conmemóranse os 120 anos da morte de Jules Verne (1828-1905), un dos grandes visionarios da literatura universal. Autor de obras inesquecibles como Cinco semanas en globo (1863), Viaxe ao centro da Terra (1864), Vinte mil leguas de viaxe submariña (1870) ou A volta ao mundo en oitenta días (1872), Verne é considerado un pioneiro do xénero de ciencia-ficción e un referente na literatura de aventuras. A súa imaxinación forxouse en Nantes, a súa cidade natal, localidade da rexión da Bretaña Francesa.
 |
| Alǵuns títulos de Jules Verne do noso fondo de libros. |
A Bretaña, ademáis da súa conexión con Verne, é unha rexión rica en tradicións e sabores. Un dos seus emblemas culinarios máis coñecidos son as crêpes, finas tortas feitas con fariña de trigo que se poden servir doces ou salgadas. Aínda que hoxe se atopan por toda Francia, a súa orixe remóntase ás cociñas campesiñas francesas nas que era un alimento básico.
Como cada ano, o departamento de Francés organizou un Concurso de crêpes que contou cunha ampla participación de alumnado de todos os crusos de ESO. O xurado, integrado por diversos membros da comunidade educativa, decidiu que as delicias gañadoras fosen as elaboradas por Alba Fernández e Silvia Estévez na categoría de 1º de ESO, Noa Atanes e África Rivo en 2º de ESO e Paula González en 3º de ESO.
