Samaín 2024

Anxel Fole  remataba así o seu relato Terra do Caurel, un dos quince que forman a obra A lus do candil, publicada en 1953:      

      As noites de inverno soio son boas pra os trasgos, pra as meigas, pra os lobos… E pra quen escoita contos de medo sentindo rombalo vento. 

Meigas e outras criaturas terroríficas encheron as portas, corredores e aulas do noso centro para celebrar o Samaín.  Velaquí unha breve reportaxe fotográfica e tamén a nosa proposta de lecturas para pasar unha noite de medo.                                                                          

Cabaza gañadora do concurso convocado polo EDNL.
Verónica Sofía Paz.

Disfraces e decoración dos corredores.

Decoración de portas

Selección de historias terroríficas en varias linguas.

Sofía, Celtia e Clarisa foron as gañadoras do concurso de
microrrelatos  de medo e de carteis terroríficos organizado
polo EDNL

A ciencia no club "As catro esquinas do Quinto"

Este curso poñemos en marcha na BiblioFerro o Club de lectura de ciencias. Un grupiño de alumnos e alumnas de 4º de ESO animouse a participar nas xuntanzas que faremos aquí mesmo, a carón da nosa sección de ciencia.

Decorada co gran número pi de cubos de cores, que nos cedeu o departamento de matemáticas, e coas letras que a compañeira María José de Física e Química pintou con moita arte, nesta sección podedes atopar dende títulos de divulgadores e científicos recoñecidos como Xurxo Mariño, J.M Mulet, Juan Luis Arsuaga ou Deborah García Bello, ata pequenas novelas de aventuras con pinceladas de ciencia. Todas estas obras están sinaladas cun punto verde identificativo e algunhas delas propostas como lecturas voluntarias dentro do proxecto lector dos diferentes departamentos de ciencias. 

Nós conversaremos periódicamente sobre Un científico en el supermercado: un viaje por la ciencia de las pequeñas cosas, de José Manuel López Nicolás. Empregando como fío conductor unha remolacha, unha camiseta, unha bebida enerxética ou unha pelota de tenis, mergullarémonos na investigación espacial, na ciencia dos materiais, na  biotecnoloxía, no mundo da medicina e moito máis.  

"Mil estrelas, musical de musicais"

Comezamos o novo curso escolar cunha actividade proposta polo Equipo de Normalización Lingüística. 

O pasado martes 24 de setembro os nosos estudantes de 4º de ESO acompañados de Maribel, Carme e Diego, asistiron ao Auditorio Municipal de Ourense á obra de teatro musical "Mil estrelas, musical de musicais"do IES Xesús Taboada Chivite de Verín. Alí puideron desfrutar deste gran espectáculo xunto a alumnado e profesorado doutros centros da cidade. 

Dende o IES Ferro Couselo agradecemos e aplaudimos iniciativas coma esta e damos os nosos parabéns ao Taboada Chivite polo gran traballo realizado.

Velaquí algunha imaxe e varios enlaces á prensa local.

La Región (25/9/2924)

Telemiño (25/9/24)