Xuntanza de Nadal do club de lectura de ciencias

Hoxe tivemos unha nova reunión do club de lectura de ciencias, a última antes do merecido descanso de Nadal.

Seguimos conversando arredor da obra Un científico en el supermercado. Desta vez falamos da ciencia que hai detrás do tenis. O material do que está feita a roupa deportiva, a tensión da cordaxe das raquetas, o ollo de falcón ou a composición da terra da pista central de Roland Garros teñen moito que ver coa ciencia. Falar destes temas axudounos a apreciar como a ciencia e a tecnoloxía inflúe na evolución deste deporte.

Tamén coñecemos as chamadas ciencias 'ómicas' como a xenónima, a proteómica ou a epigenómica, todas elas relacionadas coa bioloxía molecular e a xenética e para as que as matemáticas e a informática son ferramentas indispensables. O autor presenta estas ciencias ao tempo que nos introduce e varias tradicións culturais do noso país como a celebración da noite de San Xoán, as procesións de Semanta Santa ou os castells. Aprendemos que as sales de diversos metais danlle cor aos fogos de artificio, que os raios X ademais de empregrarse no campo da medicina poden usarse nos procesos de restauración de obras de arte, e que unha torre humana non se derrumba grazas a que hai equilibrio de forzas.  

Con esta xuntanza pechamos as actividades da BiblioFerro ata o 2025.

Alumnos e alumnas de 4º ESO A

O Nadal chegou ao Ferro

O Nadal chegou ao Ferro cheo de cor, imaxinación e tradición. Diversas actividades propostas por Vicedirección, Biblioteca e o Equipo de Normalización Lingüística tiveron como resultado os deseños que podedes ver estes días nos corredores do centro e nas portas e paredes de clases e departamentos. 

A continuación unha pequena selección de imaxes dos traballos realizados. 

Parabéns a todos e a todas e Feliz Nadal.

Taboleiro "Aférrate ao galego" achegándonos á figura do Apalpador

Concurso proposto polo EDNL

Árbore colaborativa proposta por Vicedirección:
"O meu propósito para 2025 é..."

Árbore de Nadal do Equipo de Biblioteca

Postais e árbores de Nadal realizados polo alumnado
de ESO na materia de Francés

Decoración de aulas e portas

Decoración  de aulas e portas.
Algúns grupos participan no concurso
 proposto por Vicedirección. 

Decoración de portas dalgúns departamentos. 

O club de lectura xogando á boccia

O pasado luns 16 de decembro a profesora María Xosé Casas acompañou a un grupo de alumnos e alumnas á Asociación Aixiña, entidade coa que o noso centro colabora dende o curso pasado a través do club de lectura. Esta vez a xuntanza foi para achegarnos á boccia, deporte paralímpico dende 1984. María Xosé envianos unhas liñas e algunha foto da actividade.

O alumnado do club de lectura de 1º de bacharelato aprendeu a xogar á boccia grazas ás persoas usuarias do CIS Aixiña. José Manuel, Elena, Jose e Manolo ensináronnnos as regras básicas deste xogo que é o deporte olímpico que practican as persoas con parálise cerebral. Estámoslles moi agradecidas por abrirnos a este mundo que descoñeciamos. Pasámolo xenial e unha vez máis botamos abaixo moitas barreiras.